ఘనంగా మంత్రి అమర్నాథ్ జన్మదిన వేడుకలు
Rapid TV - Andhra Pradesh / Anakapally : ఘనంగా మంత్రి అమర్నాథ్ జన్మదిన వేడుకలు -- పెద్ద సంఖ్యలో తరలివచ్చిన అభిమానులు, పార్టీ శ్రేణులు విశాఖపట్నం, జనవరి 21: రాష్ట్ర పరిశ్రమల శాఖ మంత్రి గుడివాడ అమర్నాథ్ జన్మదిన వేడుకలు ఒకరోజు ముందే అంటే ఆదివారం ఘనంగా ప్రారంభమయ్యాయి. మిందిలోని మంత్రి అమర్నాథ్ క్యాంప్ కార్యాలయంలో ఈ వేడుకలు అట్టహాసంగా జరిగాయి. వేలాదిగా తరలివచ్చిన అభిమానులు పార్టీ కార్యకర్తలు, నాయకులు మంత్రి అమర్నాథ్ పుట్టినరోజు వేడుకలలో పాల్గొన్నారు. వైసిపి సీనియర్ నాయకులు గుడివాడ అప్పల రామ్మూర్తి, కార్పొరేటర్ గుడివాడ లతీష్ అనూష ఆధ్వర్యంలో మింది జంక్షన్ నుంచి పెద్ద ఎత్తున ఊరేగింపుతో వచ్చిన అమర్నాథ్ గ్రామంలోని రామాలయంలో ప్రత్యేక పూజలు నిర్వహించారు. అంతకుముందు నగర మేయర్ హరి వెంకట కుమారి దంపతులు, చొక్కాకుల వెంకటరావు తదితరులు మంత్రి అమర్నాథ్ కు పుష్ప గుచ్చాలిచ్చి స్వాగతం పలికారు. మంత్రి అమర్నాథ్ జన్మదినోత్సవాన్ని పురస్కరించుకొని మింది గ్రామమంతా విద్యుత్ దీపాలతో అలంకరించారు. పులి వేషాలతో సహా డప్పు వాయిద్యాలు, విభిన్న కళాకారుల నృత్య ప్రదర్శనలతో మంత్రి అమర్నాథ్ ను ఇంటి వరకు తీసుకొచ్చారు. అక్కడ పలువురు అధికారులు అనధికారులు మంత్రి అమర్నాథ్ ను పూలమాలలతో సత్కరించి జన్మదిన శుభాకాంక్షలు తెలియజేశారు. అనంతరం కుటుంబ సభ్యులు, అభిమానులు, కార్యకర్తల నడుమ మంత్రి అమర్నాథ్ కేక్ కట్ చేశారు. మంత్రి అమర్నాథ్ పుట్టినరోజు వేడుకలలో మింది గ్రామ ప్రజలు పెద్ద ఎత్తున పాల్గొన్నారు. ఈ కార్యక్రమంలో కసింకోట జడ్పిటిసి శ్రీధర్ రాజు తోపాటు అనేకమంది నాయకులు పాల్గొన్నారు.
Admin
Rapid TV
మరిన్ని వార్తలు
Developed By :
